my collection

Hawaon Ka Safar Rakha Gaya


Kitna Posheeda Howaon Ka Safar Rakha Gaya
Aanay Walay Mousamon Say Bay Khabar Rakha Gaya
Aaj Bhi Phirta Hoon Us Ki Justujo Main Har Taraf
Koun Si Basti Main Aakhir Mera Ghar Rakha Gaya
Chaand Mubham Khaab Aankhon Main Liey Phirta Hoon
Aur Kia Merey Liey Zaad-E-Safar Rakha Gaya
Doston Main Kuch Meri Pehchaan Tu Baaqi Rahay
Is Liey Mujh Main Ajab Ajab Hunar Rakha Gaya
Is Hathaili Par Chamakti Rait K Zarray Hain Ab
Jis Hathaili Par Kabhi Ganj-Gohar Rakha Gaya
Mera Apna Khouf Hi Kia Kaam Tha Laikin Mohsin
Meri Apni Zaat Main Kis Kis Ka Dar Rakha Gaya

~*~*~*~IZZAT~ *~*~*~


Jab Baap Ki Iazzat Kam Ho Jaye
Jab Qaum Ki Ghairat So Jaye

Jab Bhai Club Ko Jaatay Hoon
Aur Behno Ka Haq Khaatay Hoon

Jab Maa Ki Nazrain Jhuk Jayen
Alfaaz Laboon Par Ruk Jayen

Jab Ghar Ghar Main Sur Taal Chalay
Jab Aurat Bhi Nangay Baal Chalay

Jab Rishwat Sar Char K Bolay
Aur Taajir Jaan K Kum Tolay

Aur Jab Yeh Sab Kuch Hota Hai
RAB Ghafil Hai Na Sota Hai

Jab Us Ka Qehaar Barasta Hai
Qaroon Zameen Main Dhansta Hai

Phir Jab Woh Pakar Par Aata Hai
Firoun Bhi Ghotay Khata Hai

Yeh Sab Ibrat Ko Hai Kaafi
Ab Tu Maang Lo ALLAH Say Muafi

Din Tu Mehnat Main, Mushaqat Main Guzar Jata Hai


Din Tu Mehnat Main, Mushaqat Main Guzar Jata Hai
Raat Dehqaan Ki Kaanton Pay Basar Hoti Hai

Bhook Ka Zehar Jab Jismoon Main Utaar Jata Hai
Phir Kahin Jaa K Zamanay Ko Khabar Hoti Hai

Hum Jis Mazdoor Ki Mehnat Pay Aish Kartay Hain
Is Badnaseeb Ki Chatni Pay Guzar Hoti Hai

Yeh Jo Dehqaan Aur Mazdoor Hain Insaan Hain Yeh
In Pay Jo Parti Hai Nafrat Ki Nazar Hoti Hai

Zindagi Saari Ghulami Main Basar Hoti Hai
Saans Azaadi Ka Lainay Ko Qabar Hoti Hai

Zaalim Safaaq Zamanay K Khuda Ban Bethay
Koi Tehreek Chala Lain Woh Bay Asar Hoti Hai

Gar Main Dariya K Paas Aaoon Gi


Gar Main Dariya K Paas Aaoon Gi
Dar Bhi Lagta Hai Doob Jaon Gi
Terey Aashkon K Keemti Mooti
Main Gulo Band Main Jaraon Gi
Merey Jugnu Say Par Salamat Hain
Main Tumhain Raasta Dekhaon Gi
Naryal Ki Safaid Kaashon Say
Roop Ki Chaandni Bechaon Gi
Dasht-E-Jaan Main Furaaq K Khaimay
Rooz Lagwaaon Gi Rooz Giraoon Gi
Apnay Bachoon K Waastay Mohsin
Ek Jannat Sa Ghar Banaaon Gi

Mohabbat Ho Gaye Tum Say


Humaray Deeda-E-Tar Ko Mohabbat Ho Gaye Tum Say
Kisi Gehray Samandar Ko Mohabbat Ho Gaye Tum Say
Bhalay Woh Chaandni Shab Ho Ya Fasl-E-Gul Ki Rangeeni
Merey Har Aik Manzar Ko Mohabbat Ho Gaye Tum Say
Khuda Jaanay K Ab Is Shugal Ka Anjaam Kia Ho Ga?
Dil-E-Nashaad- O-Muztar Ko Mohabbat Ho Gaye Tum Say
Kisi Lamhay Agar Tum Ko Mohabbat Ho Gaye Mujh Say
Samajh Lena Muqaddar Ko Mohabbat Ho Gaye Tum Say
Jo Sirf Aur Sirf Apni Zaat Say Hi Pyaar Karta Tha
Sunu..!! Ek Aisey Pathar Ko Mohabbat Ho Gaye Tum Say
Nahin Jaati, Tumharay Qarb Ki Khushbu Nahin Jaati
Merey Ujray Howay Ghar Ko Mohabbat Ho Gaye Tum Say
Meri Aankhon Ki Jaanib Dekh Kar Tum Jaan Sakti Ho
K Ek Gehray Samandar Ko Mohabbat Ho Gaye Tum Say
Kisi Surat Bhi Ab Yeh Aashk Tham Saktay Nahin M
Meri Aankhon K Sagar Ko Mohabbat Ho Gaye Tum Say

Yaad Nay Tarpaya Hai


Aaj Phir Teri Yaad Nay Tarpaya Hai
Aaj Phir Akailay Dil Nay Sataya Hai
Booj Si Lagnay Lagi Ab Tu Zindagi
Terey Saharay Say Khud Ko Behlaya Hai
Ek Umeed Par Jee Raha Hoon Main
Issi Umeed Par Khud Ko Samjhaya Hai
Terey Bin Ab Tu Jeenay Ka Tasawar Hi Nahin
Terey Bina Kia Ab Tak Jee Paaya Hai

May tu ek bujhaa dia hoon




Tairay raasatay main paraa hoon

Tairay Dam kaa aasraa hay

Warnaa main bay aasraa hoon

Naaptaa hay Mairay qad ko

Tairay qad say tu Baraa hoon

Tum jo chaaho wo sazaa do


Main tu patthar ko banaa hoon


Tairi Khaatir sheher bhar main

Haaye kisi kis say Laraa hoon

Wo shareef ek baa wafaa hay

Main Ghareeb hoon bay wafaa hoon.

TUM ACHA NEHE KARTAY


Kabhi jo ehsaas ho tum ko k

Tum acha nehe kartay

Jo mujh ko youn Rulaatay ho

Lahoo maira jalatay ho

Agar is aag main jal kar

Main aik din RAAK hojaawoon

Mujhay Dil say Bhulaa denaa

Samandar main bahaa denaa

Magar ye yaad rakhnaa tum

Khudaa say ye Duaa karnaa

K jO achay lagay tum ko

Wo tum jaisaa har giz na ho.

Beetay Rishtay Talash Karti Hai


Beetay Rishtay Talash Karti Hai
Khushbu Ghunchay Talash Karti Hai
Jab Guzarti Hai Us Gali Say Sabah
Khat K Purzay Talash Karti Hai
Apnay Maazi Ki Justaju Main Bahar
Peelay Pattay Talash Karti Hai
Aik Umeed Bar Bar Aa Kar
Apnay Tukray Talash Karti Hai
Ek Pagdandi Shehar Tak Aa Kar
Kuch Musafir Talash Karti Hai

Un He Ka Fasaana


Mariz-E-Mohabbat Un He Ka Fasaana
Sunata Raha Dam Nikaltay Nikaltay
Magar Zikr-E-Shaam- E-Alam Jab Bhi Aaya
Chiraagh-E-Sahar Bujh Gaya Jalatay Jalatay
Irada Tha Tark-E-Mohabbat Ka Laikin
Fareb-E-Tabassum Main Phir Aa Gaye Hum
Abhi Khaak-E-Thokar Shambhalnay Na Paaye
Ki Phir Khaai Thokar Sambhaltay Sambhaltay
Unhain Khat Main Likha Tha Dil Muztarib Hai
Jawaab Un Ka Aaya Mohabbat Na Kartay
Behal Jaaye Ga Dil Behlaatay Behlaatay
Woh Mehmaan Rahay Bhi Tu Kab Tak Humaray
Howi Shamma Gul Aur Doobay Sitaaray
"Qamar Is Qadar Un Ko Jaldi Thi Ghar Ki
Woh Ghar Chal Diye Chandni Dhaltay Dhaltay

Na mila tera pataa tou mijhe log kaya kahein gay



Na mila tera pataa tou mijhe log kaya kahein gay,
Yuun hee dar-badar raha tou mujhe log kaya kahein gay,
Tujhe zindagi kaha hai,tu hai zindagi ka haasil,
Tujhe be-wafaa kaha tou mujhe log kaya kahein gay,
Meray dil mein zabt-e gamm ka jo chiraag jal raha hai,
Voh chiraag bhujh gaya tou mujhe log kaya kahein gay,
Yeh jahaan na jaane kaya kaya mujhe keh raha hai lekin,
Kabhi tumney kuchh kaha tou mujhe log kaya kahein gay,
Main chalaa tou hoon sunaane ussay dastaan wafaa kee,
Koi hadsaa hua tou mujhe log kaya kahein gay,

Aaj kya janiye kya yaad aaya



Jo bhi dukh yaad na tha yaad aaya,
Aaj kya janiye kya yaad aaya,


Phir koi haath hai dil par jaise,
Phir tera ahd-e-wafa yaad aaya,


Jis tarah dhund mein lipte hue phool,
Ek ek naksh tera yaad aaya,


Aisi majboori ke aalam mein koi,
Yaad aaya bhi to kya yaad aaya,


Yaad aaya tha bichhadna tera,
Phir nahi yaad ke kya yaad aaya,


Jab koi zakham bhara daag bana,
Jab koi bhool gaya yaad aaya,


Ye mohabbat bhi hai kya rog,
Jisko bhoole woh sada yaad aaya..!!!

Os k janey per bhi ye Dil roYa nahi tha




Main raaat bhar aaj bhi soia nahi tha
Os k janey per bhi ye Dil roia nahi tha

Hajoom mai rehney ka aadi tha wo bohatt
Nazer mai us ki they sab per mai nahi tha


Jisey paney ki zid mai ye Dil roia bohat tha
Aaj chup tha jesey k kuch hooa hi nahi tha


Wo shakhs mera to tha phir bhi mera nahi tha
Osey khoney ka dukh kesa jisey paiaa bhi nahi tha

Duaon mai jisey maang loon apney Rub se
Meri zindagi mai aisa bhi koi silsila nahi tha


Dil mai merey ye khiaal kesa tha
Osey kho ker bhi jesey khoia nahi tha

Kia QassoR ?



Dost milate hain yahaan dil ko dukhaane ke liye
ungaliyaan rakhte hain vo ham pe uthanay ke liye

kyaa qusuur un kaa ye ik rasm chalii aaii hai
tohamaten hotii hain duniyaa mein lagaane ke liye

naaKhudaa maan ke baithe hain jin kii kashtii mein
vo hamein maujon mein lay aye thay Dubaane ke liye

vo havaaon kii tarah ruKh ko badal lete hain
ham nasiibon se laray thay jinhein paane ke liye

Aasaan Nahin Ishq Tera

Kuch Is Qadar Bhi Tu Aasaan Nahin Ishq Tera
Yeh Zehar Dil Main Utar Kar Hi Raas Aata Hai
Main Tujh Ko Paa K Bhi Khoya Howa Sa Rehta Hoon
Kabhi Kabhi Tu Mujhay Tu Nay Theek Samjha Hai
Main Muskura Bhi Para Hoon Tu Kion Khafa Hain Yeh Log
K Phool Tooti Tooti Howi Qabar Par Bhi Khilta Hai
Ussay Ganwa K Main Zinda Hoon Is Tarhan Mohsin
K Jaisey Taiz Hawa Main Chiraagh Jalta Hai

Ibadat Hai


Koi Roota Howa Chehra Hansa Dena Ibadat Hai
Musibat Main Dowa Lena Dowa Dena Ibadat Hai
Kisi Bay Aasra Insaan K Tootay Gharoonday Main
Khaloos-E-Dil Say Ek Pathar Laga Dena Ibadat Hai
Sa'adat Haj-O-Umrah Ki Baja Apni Jagha Laikin
Koi Ujra Howa Aanghan Basa Dena Ibadat Hai